२१ साउन,काठमाडौं।नबिल बैंकको खुद नाफा १० प्रतिशत बढेको छ।योसँगै बैंकले थप लगानी गर्न स्रैतको प्रयाप्त भएको दाबी पनि गरेको छ ।
आर्थिक वर्ष २०८०÷८१ को चौथो त्रैमासिक वित्तीय विवरणअनुसार बैंकले यस अवधिमा ७ अर्ब ६ करोड रुपैयाँ खुद नाफा कमाएको जनाएको छ।जुन अघिल्लो आर्थिक वर्षको तुलनामा १०.२३ प्रतिशत बढी हो।अघिल्लो आर्थिक वर्ष २०७९÷८० मा बैंकले ६ अर्ब ४० करोड रुपैयाँ खुद नाफा नाफा कमाएको थियो ।
बैंकको खुद ब्याज आम्दानी घट्दा पनि नाफा बढेको र बैंकको खुद ब्याज आम्दानी ८.६ प्रतिशत घटेको छ ।बैंकको निष्क्रिय कर्जा सामान्य घटेको छ ।अघिल्लो पटक यस्तो कर्जा कुल कर्जामा १।१८ प्रतिशत रहेकोमा अहिले १।०७ प्रतिशत छ ।
त्यस्तै सीडी रेसियो ८३ प्रतिशत छ ।यसले बैंक थप लगानी गर्नका लागि स्रोत पर्याप्ततामा रहेको जनाउँछ । आधार कर ७.६३ प्रतिशतमा झरेको छ ।साथै अघिल्लो पटक यस्तो आधार दर ९.५२ प्रतिशत थियो ।२७ अर्ब ५ करोड चुक्ता पूँजी रहेको बैंकको जगेडा कोषको आकार २८ अर्ब ६५ करोड छ ।
मुख्य बिजनेस कर्जा प्रवाह १२.९४ प्रतिशत बढेको बैंकको भनाई छ ।असार मसान्तसम्म ३ खर्ब ७३ अर्ब रुपैयाँ कर्जा प्रवाह गरेको बैंकले जनाएको छ ।