वाणिज्य,आपूर्ति तथा उपभोक्ता संरक्षण विभागद्धारा तीन वटा फर्मलाई जरिवाना
११ चैत,काठमाडौं ।स्थलगत अनुगमनका क्रममा कैफियत देखिएपछि वाणिज्य,आपूर्ति तथा उपभोक्ता संरक्षण विभागले तीन वटा फर्मलाई नगद जरिवाना गरेको छ।
विभागका अनुसार दशरथ ग्रोसरी प्रालि इमाडोललाई रु ५० हजार,शाह एण्ड शाह इन्टरप्राइजेज सूर्यविनायक बालकोटलाई रु १० हजार जरिवाना गरेको छ।यस्तै,ए एण्ड ए सपिङ सेन्टर महालक्ष्मी ५ टिकाथलीलाई रु पाँच हजार जरिवाना गरेको छ ।
स्थलगत अनुगमनको क्रममा कानुन विपरीतको कारोबार भएको पाइएपछि जरिवाना गरिएको बताइएको छ ।ती फर्मलाई उपभोक्ता संरक्षण ऐन,२०७५ बमोजिम कारबाही गरिएको हो ।थप कूल १५ फर्मलाई भने विभागले सुधारात्मक निर्देशन दिएको छ।
स्थानीय जनप्रतिनिधि,उपभोक्ता अधिकारकर्मी र सरोकारवालाहरूको उपस्थितिमा विभागले नियमित रूपमा बजार अनुगमन गर्दै आएको छ ।...
