तापक्रम बढेसँगै तराईको जनजीवन प्रभावित
२० जेठ,मधेस प्रदेश । दैनिक तापक्रम बढेसँगै मधेस प्रदेशको जनजीवन प्रभावित भएको छ ।
मधेसका अधिकांश स्थानमा एक सातादेखि ४० डिग्री सेल्सियसभन्दा माथि तापक्रम बढेकाले ‘लु’ को महामारी फैलिनसक्ने जल तथा मौसम विज्ञान कार्यालय,जनकपुरले जनाएको छ ।
‘लु’ का कारण मानिसमा अत्यधिक थकान, कमजोरी, बेहोस र बान्ता हुने तथा अधिक तिर्खा लाग्ने,लगायतका लक्षण देखिन्छ ।
डाक्टरहरूले ‘लु’ बाट बच्न तिर्खा नलागे पनि दिनको आठ गिलास पानी पिउन,घरभित्र वा चिसो ठाउँमा रहन,घाममा हिँडडुल नगर्न,हलुका लुगा लगाउन,घर बाहिर निस्कँदा कपडा वा अरू कुराले टाउको छोप्न,पानी र झोल पदार्थ पर्याप्त पिउन सुझाव दिएका छन् ।
पानीको सट्टा बियर,कफी,सोडाजस्ता पेयपदार्थ झनै हानिकारक हुने हुँदा पानीमा नै जोड दिन पनि डाक्टरहरुले सुझाएका छन् ।...
