३० साउन,काठमाडौं ।नेपाल अटोमोबाइल्स एसोसिएसन अफ नेपालले यस वर्षको प्रमुख अटोमोबाइल प्रदर्शनी टाटा ईभी प्रस्तुत नाडा अटो शो–२०२४ आयोजना गर्ने भएको छ।
बुधबार काठमाडौंमा पत्रकार सम्मेलन गर्दै अगस्ट २७ देखि सेप्टेम्बर १ सम्म अर्थात् भदौ ११ गतेदेखि १६ गतेसम्म काठमाडौंको भृकुटीमण्डप प्रदर्शनी स्थलमा अटो शोको आयोजना हुने बताइएको हो।
यस वर्ष नाडा अटो शोमा टाटा.ईभी मुख्य प्रायोजक र शिखर इन्स्योरेन्स कम्पनी लिमिटेड सह–प्रायोजकको रूपमा छन्।यो कार्यक्रमले अटोमोबाइल क्षेत्रको नवीनतम प्रवृत्ति र प्रविधिहरूको व्यापक प्रदर्शन गर्ने र अर्थतन्त्रलाई महत्त्वपूर्ण रूपमा वृद्धि गर्न मञ्च तयार पार्ने आयोजकले जनाएको छ।
यस वर्षको प्रदर्शनीमा २४ चार पाङ्गे ब्रान्डहरू,१९ दुई पाङ्गे ब्रान्डहरू र १२ हल्का व्यावसायिक सवारी साधन ब्रान्डहरू प्रदर्शन गरिने आयोजकले बताएको छ।
जुन लुब्रिकेन्ट, टायर,ब्याट्री,ग्यारेज उपकरण र अन्य अटो कम्पोनेन्ट लगायतका ३३ कम्पनीहरू रहेको जनाइएको छ।शोमा ९५ प्रदर्शकहरू सहभागी हुनेछन्।जसले १३० स्टलहरूमा आफ्ना उत्पादनहरू र सेवाहरू प्रदर्शन गर्नेछन्।