२३ असोज, काठमाडौं । क्यानेडियन कवि तथा निबन्धकार एन कार्सनलाई साहित्यतर्फको नोबेल पुरस्कार प्रदान गरिएको छ ।
यसअगाडि सोही देशका एलिस मुनरो सन् (२०१३) र साउल बेलो (१९७६) ले नोबेल पुरस्कार जितेका थिए ।
उनलाई ‘शास्त्रीय परम्परासँगको क्रीडात्मक संवादमार्फत समकालीन साहित्यका लागि नयाँ रूपहरू सिर्जना गर्ने साहसी र नवीन कार्यका लागि’ सो पुरस्कार दिइएको हो ।
साहित्य क्षेत्रको यो प्रमुख सम्मान सामान्यतया लेखकको करियरको सर्वोच्च उपलब्धि मानिन्छ ।
विगतका विजेताहरूमा कवि डब्लुबी येट्स र लुइस ग्लुक, नाटककार ह्यारोल्ड पिन्टर र सेमुअल बेकेट, तथा उपन्यासकार हान काङ र टोनी मोरिसन समावेश छन् ।
सन् २०१६ मा बब डिलन र सन् १९५३ मा विन्स्टन चर्चिलले पनि यो पुरस्कार पाएका थिए ।
सन् २०१८ देखि पालैपालो पुरुष र महिला लेखकहरूलाई यो पुरस्कार दिँदै आएको छ । गत वर्षको पुरस्कार हंगेरीका उपन्यासकार लास्लो क्रास्नाहोर्काइले पाएका थिए । त्यसैले समीक्षकहरूले यस वर्ष कुनै महिला लेखकले यो सम्मान पाउने अपेक्षा गरेका थिए ।
यद्यपि एकेडेमीकी स्थायी सचिव इन्ग्रिड कार्लबर्गले स्विडिश समाचार माध्यमहरूसँगको अन्तर्वार्तामा सदस्यहरूले निर्णयका क्रममा लिङ्गबारे विचार नगरेको दाबी गरिन् । उनले यसलाई साहित्यिक पुरस्कारको रूपमा लिएकी छिन् ।
नोबेल विजेताले १२ मिलियन स्विडिश क्रोनर पाउनेछन् । यो रकम लगभग १.२ मिलियन डलर बराबर हुन्छ ।