अर्थतन्त्र

नवलपरासी । छिपछिपे उपभोक्ता सहकारी संस्थाको रकम हिनामिना गरेको आरोपमा जिल्ला अदालतमा मुद्दा दर्ता गरिने भएको छ । सो सहकारीको रकम हिनामिना गरेको आरोपमा सरकारी वकिल कार्यालय नवलपरासी (बर्दघाट सुस्तापूर्व) ले एक सांसदसहित ३५ जनालाई विपक्षी बनाएर मुद्दा दर्ता गर्न लागेको हो । नवलपरासी (बर्दघाट सुस्तापूर्व) को कावासोती नगरपालिका ३ मा कार्यालय रहेको छिपछिपे उपभोक्ता सहकारी संस्थाको १६ करोड ५८ लाख ९२ हजार दुई सय ६१ हिनामिना गरेको ठहर गर्दै प्रहरीले ३५ जनाविरुद्ध मुद्दा चलाउन रायसहितको अनुसन्धान प्रतिवेदन बुझाएको थियो । सोही आधारमा सरकारी वकिलको कार्यालयले शुक्रबार मुद्दा दर्ता गर्न लागेको जिल्ला न्यायाधिवक्ता हरिप्रसाद घिमिरेले जानकारी दिए । “प्रहरीको अनुसन्धान प्रतिवेदनका आधारमासहकारीको रकम हिनामिना गरेको आरोपमा राप्रपा सांसद गीता बस्नेत, उहाँका ज्वाइँ नगेन्द्रबहादुर रिमाल, हालका व्यवस्थाप...

दैलेख । दैलेखमा पेट्रोलियम पदार्थको अन्वेषण सुरु भएको छ । जिल्लाको भैरवी गाउँपालिका–१ जलजलेमा पेट्रोलियम पदार्थ उत्खनन एवं अन्वेषणमा दर्जनौ कामदार एवं प्राविधिक जुटेका हुन् । उत्खखनका क्रममा दुई सय १८ मिटर ड्रिलिङ भइसकेको छ । ड्रिलिङ चार हजार पाँच सय मिटरसम्म गरिने खानी तथा भूगर्भ विभागअन्तर्गतको पेट्रोलियम अन्वेषण परियोजनाका सूचना अधिकारी प्रकाश लुइँटेलले बताए । कामदार अहोरात्र खटेका र आलोपालो प्रणाली लागू गरेर काम भइरहेको उनले जानकारी दिए । उनका अनुसार आगामी चार महिनाभित्र उत्खनन पूरा गर्ने लक्ष्यका साथ काम भइरहेको छ । चीन सरकारसँग २०७५ सालमा भएको सम्झौताअनुसार रु दुई अर्ब ५० करोड अनुदानमा अन्वेषण थालिएको हो ।...

काठमाडौं । हिउँद लागेसँगै नेपालमा भारतबाट बिजुली आयात बढेको देखिएको छ । जलविद्युत उत्पादनका लागि पानीको मात्रा घटेसँगै नेपालमा बिजुलीको आयात बढेको हो । नेपालको आन्तरिक माग धान्नुपर्ने बाध्यतासँगै भारतसँग निर्यात मूल्यभन्दा बढी मूल्यमा बिजुली आयात गरिरहेको छ । नेपाल विद्युत् प्राधिकरणका अनुसार यस वर्ष हिउँदयाममा देशभित्रको विद्युत् माग धान्न १५ अर्ब २१ करोड रुपैयाँको बिजुली भारतबाट आयात गर्नुपरेको छ । सुक्खायाम सुरु भएसँगै खोला तथा नदीमा पानीको बहाब घट्दा नेपालभित्रको आन्तरिक उत्पादन घट्छ । यस अवधिमा १ अर्ब ८१ करोड ४८ लाख युनिट विद्युत् आयात गरिएको छ । चालु आर्थिक वर्ष २०८०–८१ साउनदेखि हालसम्म १३ अर्ब ४७ करोड रुपैयाँको विद्युत् निर्यात गरिएको थियो । प्राधिकरणले चालु आव निर्यातभन्दा १ अर्ब ७४ करोड रुपैयाँको बढी विद्युत् आयात गरिएको जनाएको छ ।...