समाचार - SagarmathaPress.com

माघ ८, २०८१, १२:४० मा प्रकाशितमाघ ८, २०८१, १२:४० मा प्रकाशितमाघ ८, २०८१, १२:४० मा प्रकाशित by सगरमाथा प्रेसNo Comments

धरानलाई खानेपानी माग्दै सिंहदरबार पुगे मेयर हर्क साम्पाङ

८, माघ काठमाडौं । धरान उपमहानगरपालिकाका मेयर हर्क साम्पाङ सिंहदरवारस्थित खानेपानी मन्त्रालयमा पुगेका छन् । सोमबार उनी संघीय सरकारले खानेपानी समस्या समाधान नगरेकाले दबाब दिन भन्दै रित्तो गाग्री बोकेर काठमाडौँ आएका थिए । मंगलबार धरानलाई खानेपानी माग्दै रित्तो गाग्रीसहित सिंहदरवार छिर्ने तयारी गरेको भए पनि उनी खानेपानी मन्त्रालयभित्र गाग्रीविनै पुगेका छन् । खानेपानी समस्या लिएर सांकेतिक रूपमा रित्तो गाग्री बोकेर खानेपानी मन्त्रालय जान लागेका मेयर सम्पाङको साथबाट प्रहरीले गाग्री खोसेको छ। यति बेला सिहंदरवार परिसरमा बाक्लो संख्यामा प्रहरी तैनाथ गरिएको छ । सिहंदरवारभित्र पनि प्रहरीको बाक्लो उपस्थिति छ।गाग्रीसहित प्रवेश गर्न नपाइने भएकोले उनलाई गाग्रीविनै गेटबाट सुरक्षाकर्मीले प्रवेश गराएका हुन् । उनले आजै प्रधानमन्त्री केपी शर्मा ओलीलाई पनि भेट्ने कार्यक्रम रहेको छ ।...

माघ ८, २०८१, १२:३० मा प्रकाशितमाघ ८, २०८१, १२:३० मा प्रकाशितमाघ ८, २०८१, १२:३० मा प्रकाशित by सगरमाथा प्रेसNo Comments

भीम रावललाई एमालेका १०८६ जनाको समर्थन रहेको दाबी

ताजा अपडेट, बिशेष, राजनीति, समाचार

८, माघ काठमाडौं । नेकपा एमालेका पूर्वउपाध्यक्ष डा. भीम रावललाई पार्टीले निष्कासन गरेपछि अछाममा एक हजार ८६ जनाले रावलको अभियानमा लागेको बताएका छन् । भीम रावलको अभियानलाई समर्थन गर्नेमा अछामबाट प्रतिनिधित्व गर्दै एमाले प्रदेश कमिटी तथा विभागीय सदस्य रहेका सात जना, केन्द्रीय विभागका दुई जना, जिल्ला कमिटी सचिवालय सदस्य पाँच जना भीम रावलको पक्षमा उभिएका हुन् ।यस्तै प्रवास केन्द्रीय प्रतिनिधि परिषद् एक जना, जिल्ला कमिटी सदस्य १७ जना, पूर्वजिल्ला कमिटी सदस्य तीन जना, जिल्ला सल्लाहकार सदस्य १३ जना, नगर कमिटी पदाधिकारी तथा सचिवालय सदस्य १२ जना रहेका छन् । त्यसैगरी अनेम संघ कार्यवाहक अध्यक्ष, जनवर्गीय संगठनका प्रमुख तथा पदाधिकारी आठ जना, वडा कमिटी अध्यक्ष तथा पदाधिकारी २२ जना, संगठित सदस्यहरू छ सय ३७ जना र अन्य एमाले कार्यकर्तासहित एक हजार ८६ जना रहेका छन् ।...

माघ ८, २०८१, १०:४५ मा प्रकाशितमाघ ८, २०८१, १०:४५ मा प्रकाशितमाघ ८, २०८१, १०:४५ मा प्रकाशित by सगरमाथा प्रेसNo Comments

हुस्सुले ‘भिजीबिलिटी’ कम हुँदा नेपालगञ्ज विमानस्थलमा हवाई सेवा प्रभावित

ताजा अपडेट, वातावरण, समाचार

८, माघ बाँके । बाक्लो हुस्सु लागेका कारण ‘भिजीबिलिटी’ कम हुँदा आज बिहानैदेखि नेपालगञ्ज विमानस्थलमा हवाई सेवा प्रभावित भएको छ । बिहानैदेखि चलेको शीतलहर तथा हुस्सुका कारण ५० मिटरमात्र भिजीबिलिटी हुँदा नेपालगञ्ज विमानस्थलबाट हुने सबै उडान ठप्प रहेको नागरिक उड्डयन कार्यालय नेपालगञ्जका ट्राफिक कन्ट्रोलर रिङ्की मल्लिकले बताए । उनले हवाई उडानका लागि आवश्यक पर्ने भिजिबिलिटी नहुँदा आज विमानस्थलमा उडान हुन नसकेको जानकारी दिए । ट्राफिक कन्ट्रोलर मल्लिकका अनुसार नेपालगञ्ज विमानस्थलबाट पहाडी जिल्ला, संघीय राजधानी काठमाडौँ, धनगढी र पोखराका लागि दैनिक करिब ५० भन्दा बढी उडान हुने गरेको छ । उनका अनुसार जहाज उडाउन एक हजार भिजीबिलिटी हुनुपर्ने र जहाज अवतरण गर्नका लागि एक हजार छ सय भिजीबिलिटी आवश्यक पर्दछ ।...

माघ ८, २०८१, १०:४१ मा प्रकाशितमाघ ८, २०८१, १०:४१ मा प्रकाशितमाघ ८, २०८१, १०:४१ मा प्रकाशित by सगरमाथा प्रेसNo Comments

सुनको मूल्य बढ्यो,आज कतिमा हुदैछ कारोबार ?

अर्थतन्त्र, ताजा अपडेट, समाचार

८, माघ काठमाडौं । नेपाली बजारमा आज सुनको मूल्य बढेको छ । आज सुन तोलामा एघार सय रुपैयाँले बढेर १ लाख ५८ हजार एक रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । सोमबार सुन प्रतितोला १ लाख ५७ हजार रुपैयाँमा कायम भएको थियो । यस्तै, आज चाँदीको मूल्य पनि बढेको छ । आज चाँदी १५ रुपैयाँले बढेर एक हजार ८७५ रुपैयाँमा कारोबार भइरहेको महासंघले जनाएको छ । सोमबार चाँदीको मूल्य एक हजार ८ सय ६० रुपैयाँमा कारोबार भएको थियो ।...

माघ ८, २०८१, १०:३१ मा प्रकाशितमाघ ८, २०८१, १०:३१ मा प्रकाशितमाघ ८, २०८१, १०:३१ मा प्रकाशित by सगरमाथा प्रेसNo Comments

तनहुँमा मोटरसाइकल दुर्घटना हुँदा २ जनाको मृत्यु

ताजा अपडेट, बिशेष, वातावरण, समाचार

८, माघ काठमाडौं । तनहुँको बेलभन्ज्याङमा मोटरसाइकल दुर्घटना हुँदा दुई जनाको मृत्यु भएको छ । दमौलीबाट डुम्रेतर्फ आइरहेको गण्डकी प्रदेश ०३ ००१ प ०३१० नम्बरको मोटरसाइकल पृथ्वीराजमार्गअन्तर्गत डुम्रे दमौली सडकखण्डको बेलभन्ज्याङमा दुर्घटना भएको हो । दुर्घटनामा मोटरसाइकलमा सवार दुई जनाको घटनास्थलमै मृत्यु भएको प्रहरीले जनाएको छ । मृतकको पहिचान खुलेको छैन ।...

माघ ८, २०८१, १०:२५ मा प्रकाशितमाघ ८, २०८१, १०:२५ मा प्रकाशितमाघ ८, २०८१, १०:२५ मा प्रकाशित by सगरमाथा प्रेसNo Comments

राष्ट्रपति पौडेलद्वारा अमेरिकी राष्ट्रपति ट्रम्पलाई बधाई

ताजा अपडेट, राजनीति, समाचार

८, माघ काठमाडौं । राष्ट्रपति रामचन्द्र पौडेलले संयुक्त राज्य अमेरिकाका राष्ट्रपति डोनाल्ड जे ट्रम्पलाई बधाई तथा शुभकामना दिएका छन् । राष्ट्रपति पौडेलले आज सामाजिक सञ्जाल ट्विटरमार्फत राष्ट्रपति ट्रम्पलाई अमेरिकाको ४७ औँ राष्ट्रपतिका रूपमा कार्यभार ग्रहण र सफल कार्यकालका लागि शुभकामना व्यक्त गरेका हुन् । साथै राष्ट्रपति पौडेलले नेपाल र अमेरिकाबीच कायम रहेको सौहार्दपूर्ण सम्बन्ध आगामी दिनहरूमा अझ प्रगाढ र विस्तार हुँदै जाने विश्वास समेत व्यक्त गरेका छन् ।...

माघ ८, २०८१, १०:२० मा प्रकाशितमाघ ८, २०८१, १०:२० मा प्रकाशितमाघ ८, २०८१, १०:२० मा प्रकाशित by सगरमाथा प्रेसNo Comments

एमाले सचिवालय बैठक बस्दै

ताजा अपडेट, ब्यानर-२, राजनीति, समाचार

८, माघ काठमाडौं । नेकपा एमालेले सचिवालय बैठक आज बस्ने भएको छ । बैठक बेलुका चार बजे पार्टी केन्द्रीय कार्यालय च्यासलमा बस्ने एमाले प्रचार विभाग प्रमुख राजेन्द्र गौतमले जानकारी दिए । पुस तेस्रो साता बसेको एमाले केन्द्रीय कमिटी बैठकपछि सचिवालय बैठक बस्न लागेको हो । गौतमले बैठकमा समसामयिक राजनीतिक विषयमा छलफल हुने बताए । सचिवालय बैठक बसेर एमालेले केन्द्रीय कमिटी बैठकका निर्णयसहित अन्तरपार्टी निर्देशन (अपानी) जारी गर्ने तयारी गरेको छ ।...

माघ ८, २०८१, १०:१६ मा प्रकाशितमाघ ८, २०८१, १०:१६ मा प्रकाशितमाघ ८, २०८१, १०:१६ मा प्रकाशित by सगरमाथा प्रेसNo Comments

आज पाँच संसदीय समितिको बैठक बस्दै, यस्ता छन् कार्यसूची

ताजा अपडेट, ब्यानर-१, राजनीति, समाचार

८, माघ काठमाडौं । आज एकै पटक पाँच वटा संसदीय समितिको बैठक बस्दै छ । जसअन्तर्गत दिउँसो साढे ११ बजे उद्योग तथा वाणिज्य र श्रम तथा उपभोक्ता हित समितिको बैठक बस्दै छ । बैठकमा विद्युतीय व्यापारका सम्बन्धमा व्यवस्था गर्न बनेको विधेयक, २०८० माथि छलफल हुनेछ । त्यस्तै दिउँसो १ बजे बस्ने कानुन, न्याय तथा मानव अधिकार समितिको बैठकमा महान्यायाधिवक्ताको कार्यालयको काम कारबाहीको सम्बन्धमा छलफल हुनेछ । त्यस्तै बिहान ११ बजे बस्ने सार्वजनिक लेखा समितिको बैठकमा उपसमितिहरुले समितिमा छलफल गर्ने भनी औँल्याएका विषय, समितिमा प्राप्त उजुरी उपरहरु सम्बन्धमा छलफल हुनेछ ।दिउँसो ३ बजे बस्ने सार्वजनिक नीति तथा प्रत्यायोजित विधायन समितिको बैठकमा संस्कृति, पर्यटन तथा नागरिक उड्डयनमन्त्रीसँग छलफल हुनेछ ।...

माघ ७, २०८१, १३:२६ मा प्रकाशितमाघ ७, २०८१, १३:२६ मा प्रकाशितमाघ ७, २०८१, १३:२६ मा प्रकाशित by सगरमाथा प्रेसNo Comments

सशस्त्र प्रहरी दिवसका अवसरमा रक्तदान

ताजा अपडेट, वातावरण, समाचार

७, माघ पर्सा । सशस्त्र प्रहरी बल नेपाल नम्बर १३ हेड क्वाटर पर्साले २४ औँ सशस्त्र प्रहरी दिवसको अवसरमा पर्सामा रक्तदान कार्यक्रम गरेको छ । सीमा सुरक्षामा खटिँदै आएको सशस्त्र प्रहरीले जाडोयाममा पर्सामा रगतको अभावलाई परिपूर्ति गर्नका लागि आयोजना गरेको रक्तदान कार्यक्रममा ५७ पिन्ट रगत संकलन भएको छ । सशस्त्र प्रहरी बल नेपाल नम्बर १३ हेड क्वाटर पर्साका गणपति राधेश्याम धिमालले पर्सा जिल्लामा रगतको अभावलाई केही हदसम्म भए पनि परिपूर्ति गर्नका लागि रक्तदान कार्यक्रम गरेको जानकारी दिए । “सशस्त्र प्रहरी बल सीमा सुरक्षाको साथसाथै नागरिकसँग हातेमालो गरेर अघि बढ्नका लागि रक्तदान कार्यक्रम गरेका हौँ”, उनले भने, “रक्तदान कार्यक्रममा उत्साहजनक सहभागिता रहेको छ ।” सशस्त्र प्रहरी बल पर्साले नेपाल(भारत सीमा क्षेत्रमा स्वास्थ्य शिविरलगायत गतिविधि गर्दै आइरहेको छ ।...

माघ ७, २०८१, १३:१८ मा प्रकाशितमाघ ७, २०८१, १३:१८ मा प्रकाशितमाघ ७, २०८१, १३:१८ मा प्रकाशित by सगरमाथा प्रेसNo Comments

चितवनमा युवक कुट्ने प्रहरी निलम्बित

अपराध, ताजा अपडेट, वातावरण, समाचार

७, माघ काठमाडौं । चितवनको भरतपुर महानगरपालिकाको बाइपास सडकखण्डमा सवारी जाँचका क्रममा युवकलाई कुटपिट गर्ने प्रहरी निलम्बित भएका छन् । कुटपिट गर्ने प्रहरीलाई निलम्बन गरी थप कारबाही प्रक्रिया अघि बढाइएको हो । ‘माथिको पावर देखाएको’ भन्दै चेकिङमा खटिएका प्रहरीले युवकलाई लात्तीले हानेर कुटपिट गरेको भिडियो सार्वजनिक भएको थियो । त्यसपश्चात् प्रहरीले उनलाई कारबाहीका लागि छानबिन समिति बनाएको छ । जिल्ला प्रहरी कार्यालय चितवनका एसपी गौतम मिश्रका अनुसार ती असई गणेशस्थान बिटमा कार्यत बुद्धिबहादुर घर्ती भुजेल हुन् । उनले प्रहरी आचरणविपरीत काम गरेकाले निलम्बन गरिएको मिश्रले जानकारी दिए । उनका अनुसार घटना गत पुस १५ गतेको हो ।...