टोखा नगरपालिकाको वडा नं ९ ले कक्षा ११र१२ पढ्न २५ जनालाई छात्रवृत्ति दिँदै
काठमाडौं । काठमाडौंको टोखा नगरपालिकाको वडा नं ९ ले कक्षा ११र१२ पढ्न २५ जनालाई पूर्ण छात्रवृत्ति दिने भएको छ । विज्ञान, व्यवस्थापन तथा मानविकी संकाय पढ्न छात्रवृत्तिका लागि वडाले आवेदन आह्वान गरेको हो ।
‘हाम्रो वडामा हाम्रो अन्डरमा अहिले २ वटा क्याम्पसमा छन् । त्यसमा केही विद्यार्थी पठाउने हो,’ वडाध्यक्ष रामभक्त घिमिरेले भने, ‘अरु विद्यार्थीलाई आवश्यकताका आधारमा वडाबाट सिफारिस गर्छौं ।’
आफ्नो वडाको मात्रै नभई अन्य क्षेत्रका विद्यार्थीले पनि छात्रवृत्तिका लागि आवेदन दिन पाउने वडाध्यक्ष घिमिरेले जानकारी दिए । ‘कमजोर आर्थिक अवस्था अथवा अवसरबाट वञ्चित भएकै कारण कोही पनि पढाइबाट वञ्चित नहून् भन्ने हाम्रो योजना हो’, उनले भने ।...
