राजनीति

सीता पौडेल (अर्चना) २ कात्तिक,काठमाडौं।निर्वाचन आयोगले आगामी मङ्सिर १६ गते हुने स्थानीय तहको उपनिर्वाचनमा महिला उम्मेदवार रहने गरी मनोनयन पत्र पेस गर्न निर्देशन जारी गरेको छ। आयोगको यहि असोज ३० गते बसेको बैठकले राजनीतिक दलहरुलाई यस्ता निर्देशन दिने निर्णय गरेको आयोगद्धारा बिहीबार जारी विज्ञप्तिमा उल्लेख छ। आयोगका प्रवक्ता नारायणप्रसाद सापकोटाले जारी गरेको विज्ञप्तिमा स्थानीय तहमा रिक्त रहेको गाउँपालिकाको अध्यक्ष वा उपाध्यक्ष,नगरपालिकाको प्रमुख वा उपप्रमुख तथा जिल्ला समन्वय समितिको प्रमुख वा उपप्रमुख पदमा उम्मेदवारी दिने राजनीतिक दलले महिला उम्मेदवार रहने गरी मनोनयन पत्र पेस गर्न दर्ता भएका राजनीतिक दललाई स्थानीय तह निर्वाचन ऐन,२०७३ को दफा ६७ बमोजिम निर्देशन दिएको उल्लेख गरिएको छ । आयोगका अनुसार स्थानीय तहमा ४० पद रिक्त छन् ।१ नगरपालिका प्रमुख,१ नगरपालिका उपप्रमुख,२ गाउँपालिका अध्...