समाचार

काठमाडौँ । नेकपा (एकीकृत समाजवादी) का अध्यक्ष माधवकुमार नेपालले दासढुंगा घटनाको गम्भीर खोजी हुनुपर्ने बताएका छन् । मदन–आश्रितको ३१औं स्मृति दिवसका अवसरमा बिहीबार पार्टी कार्यालय आलोकनगरमा आयोजित कार्यक्रममा उनले सत्यतथ्य अझै बाहिर आउन नसकेको बताए । “सत्यतथ्य के हो अझै छानबिन गर्न बाँकी छ । पार्टीले तुरुन्त पहलकदमी लियो । पद्म रत्न तुलाधरको नेतृत्वमा छानबिन कमिटी पनि बन्यो,” उनले भने, “त्यो छानबिन कमिटीको मात्रै रिर्पोट ल्याएर पुगेन भनेर पार्टीले स्वयं केपी ओलीको नेतृत्वमा छानबिन कमिटी बनायो । त्यो छानबिन कमिटीबाट कुनै खास कुराहरू आउन सकेन । त्यो दुर्घटनाका सन्दर्भमा गम्भीर हामीले खोजी गर्न आवश्यक छ ।” अध्यक्ष नेपालले दुर्घटनाको साक्षी अमर लामाको हत्या पनि रहस्यमय रहेको बताए । “दुर्घटनाको अन्तिम साक्षी अमरलालाई यो बीचमा मारियो । कीर्तिपुरमा गइरहेको बेला गोली हानेर मारियो । यो पनि रहस्...

रुपन्देही । नेकपा एमाले रुपन्देहीले यही जेठ १६ र १७ गते हुने भनिएको अधिवेशन सारेको छ । अध्यक्ष केपी शर्मा ओलीले उद्घाटनका लागि नभ्याउने भएपछि जेठ २३ र २४ गतेका लागि अधिवेशन सारेको हो । जिल्ला प्रचार विभाग प्रमुख हितराज पन्थीले अधिवेशनको मिति सरेकाले प्रतिनिधि छनोटको समय पनि सर्ने बताए । एमाले रुपन्देहीको नेतृत्वका लागि अहिलेका जिल्ला अध्यक्ष तेजेन्द्र केसी, सचिव यज्ञ गैरे, उपसचिवद्वय चित्रबहादुर कार्की र हितराज पन्थीले दाबेदारी पेश गरेका छन् । सचिवमा बाबुराम पन्थी र युवराज घिमिरेले तयारी गरेका छन् भने उपसचिवका लागि धेरै जनाले आकांक्षा राखेका छन् । रुपन्देही एमालेका केन्द्रीय उपाध्यक्ष विष्णु पौडेल, सचिव छविलाल विश्वकर्मा,पुर्व मुख्यमन्त्री लिला गिरीसहितका शीर्ष नेताहरुको गृहजिल्ला पनि हो । जसका कारण रुपन्देहीको जिल्ला अधिवेशनलाई विशेष चासोका साथ हेरिएको छ ।...