ताजा अपडेट

२०असोज,काठमाडौं ।नवरात्रको चौथो दिन आज दसैँघर लगायत घरघरमा कुष्माण्डा देवीको विधिपूर्वक पूजाआराधना गरिँदैछ। प्रत्येक वर्ष आश्विन शुक्ल चतुर्थी अर्थात् दुर्गापक्षको चौथो दिन कुष्माण्डाको विधिपूर्वक पूजाआराधना गर्ने शास्त्रीय विधि छ । आध्यात्मिक,आधिभौतिक र आधिदैविक यी तीन तापलाई कुष्मा भनिन्छ। नवदुर्गामध्येकी चौथो देवी कुष्माण्डाले शरणमा आएका भक्तको तीनै ताप हरिदिने भएकैले यो नामकरण भएको शास्त्रमा उल्लेख छ।कुष्माण्डाले सुराले भरिएका घडा तथा रगतयुक्त पात्र धारण गर्ने विभिन्न पुराणमा उल्लेख गरिएको छ। श्री दुर्गा सप्तशती(चण्डी)को देवी कवचमा भनिएको छ,‘कुत्सितः ऊष्मा कुष्मा–त्रिविधतापयुतः संसारः, स अण्डे मांसपेश्यामुदररुपायां यस्याः सा कूष्माण्डा’ अर्थात् त्रिविध तापयुक्त संसार जसको पेटमा छ,त्यही भगवती कूष्माण्डाका रूपमा चिनिन्छिन्। बडा दसैँको पहिलो दिन शैलपुत्री,दोस्रो दिन ब्रह्मचा...

१९ असोज,काठमाडौं ।बडादसैँ एवं नवरात्रको तेस्रो दिन आज दसैँ घर वा पूजा कोठामा नौ दुर्गामध्येकी तेस्रो चन्द्रघण्टा देवीको विधिपूर्वक पूजाआराधना गरिँदैछ। देवी चन्द्रघण्टाको पूजाआराधनाले शक्ति प्राप्त हुने विश्वासले नवरात्रका अवसरमा विशेष पूजाआराधना गर्ने गरिन्छ ।मार्कण्डेय पुराणमा ‘चन्द्रः घण्टायां यस्याः सा’ अर्थात् चन्द्रमा जसको घण्टामा रहेको छ, उनको नाम चन्द्रघण्टा हो भनी उल्लेख गरिएको छ । चन्द्रघण्टा देवीले शिरमा अर्धचन्द्रका साथै घण्ट पनि धारणा गर्ने भएकाले यो नाम रहन गएको र यस्ती देवीले अत्याचारी दानवी स्वरुपलाई नाश गर्छिन् भन्ने विश्वास गरिन्छ। चन्द्रघण्टा देवीको स्वरुपको ध्यान गर्दा अनेकौँ शक्ति प्राप्त हुने विश्वास गरिन्छ । नवरात्रको पहिलो दिन बिहीबार दसैँ घर वा पूजाकोठामा वैदिक विधिपूर्वक घटस्थापना गरी जौको जमरा राखिएको थियो । घटस्थापनाको अर्थ देवीको ध्यान साधनामा स्थापित ...

१७ असोज,काठमाडौं। प्रत्येक वर्ष आश्विन शुक्ल प्रतिपदादेखि पूर्णिमासम्म मनाइने नेपालीहरुको महान् पर्व बडादशैँ आजबाट सुरू भएको छ। आज हनुमानढोका दरवार स्क्वायरको दशैं घर लगायत नेपालीहरुका घरघरमा वैदिक विधिपूर्वक दियो,कलश र गणेश स्थापना गरी घटस्थापना गरिएको छ। नदी वा चोखो स्थलबाट बालुवा,माटो ल्याई गाईको गोबरले लिपपोत गरिएको दशैँ घर र घरघरमा बिहान ९:१६ बजेको साइतमा जमरा राखिएको छ ।शुभसाइत पारेर विधिपूपर्वक जौ,मकैको जमरा छरेर दशैंको शुरुवात गरिएको हो । आजैदेखि नवरात्र पनि शुरु भएको छ ।नवरात्र शुरुभएसँगै दशैँ घरमा शक्तिकी देवी दुर्गाको आवाह्न गरी पूजा आरम्भ गरिएको छ।नवदुर्गाका नौ वटा स्वरुप अन्तर्गत आज शैलपुत्रीदेवीलाई सम्झेर भरे साँझ धुमधामका साथ शैलपुत्रीदेवीको पूजाआराधाना गर्ने गरिन्छ । जौको अङ्कुर दुर्गा देवीको प्रिय वस्तु भएकाले जमरामा जौं अनिवार्य मानिन्छ ।आज यो रोपण गरी दुर्गाल...