आज नागपञ्चमी,नाग पूजा गरिँदै
२५ साउन,काठमाडौं ।प्रत्येक वर्ष श्रावण शुक्ल पञ्चमीका दिन मनाइने नागपञ्चमी पर्व आज परम्परा अनुसार घरका मूलढोकामा नागको तस्वीर टाँसी पूजा अर्चना गरी मनाइँदैछ ।
नागको तस्वीर टाँस्दा वर्षभर घरमा नाग,सर्प र बिच्छीलगायत जीवले दुःख नदिने र अग्नि,मेघ र चट्याङको भयबाट पनि बच्न सकिने धार्मिक विश्वास छ।नाग पूजाको प्रचलन वैदिक कालदेखि नै सुरु भएको हो ।
वैदिक मान्यतानुसार नागलाई सर्पको राजा मानिन्छ।नाग रिसाए भने पानीको अभाव हुने भएकाले पानीका लागि पनि नागलाई खुशी पार्न पूजा गर्ने परम्परा छ ।वराहपुराणमा उल्लेख भएअनुसार यसै तिथिमा नागराजसँग ब्रह्माको संवाद भएकाले पनि आजको दिन नागपूजाका लागि प्रसिद्ध मानिन्छ ।
प्रत्येक घरमा नाग रहेका हुन्छन् ।घरको जगमुनि बसेका नाग रिसाई गएमा घरको जग नै भत्कन्छ भन्ने धार्मिक विश्वासमा पनि नाग पूजा गर्ने परम्परा छ।उदयकालको पञ्चमी तिथी भएकाले आज दिनभर नै घरघरमा ना...
