Author: सगरमाथा प्रेस

१९ असोज,काठमाडौं ।नेपाली कांग्रेसको १५औँ महाधिवेशनमा डण्डपानी (डीपी) कंडेलले केन्द्रीय सदस्य पदमा उम्मेदवारी घोषणा गरेका छन्। उनी नेपाली जनसम्पर्क समिति जापानका निवर्तमान सभापति तथा नेपाली कांग्रेसका महासमिति सदस्य हुन्। कंडेलले प्रवासमा सिकेको ज्ञान, सीप र लगानीलाई नेपालसँग जोड्ने मुद्दालाई प्राथमिकतामा राखेका छन्। कांग्रेस केन्द्रीय कार्यालयका अनुसार आज बिहान १० बजे केन्द्रीय समितिको बैठक बस्दैछ।केन्द्रीय समितिको बैठक सकिएलगत्तै बन्दसत्र सुरु हुनेछ।बन्दसत्र सम्पन्न भएसँगै निर्वाचन प्रक्रियाले गति लिनेछ। निर्वाचन समितिका अनुसार आजै साँझ ५ बजे मतदाता नामावली प्रकाशन गर्ने कार्यतालिका रहेको छ। नामावली प्रकाशनसँगै दाबी विरोध र छानबिनको प्रक्रिया सुरु हुने बताइएको छ। काठमाडौंको खुलामञ्चमा आइतबार उद्घाटन भएको १५औं महाधिवेशन विगतका महाधिवेशनभन्दा फरक देखिएको छ। विशेषतः युवा प...

१९ असोज,काठमाडौं । नेपाली कांग्रेसका सभापति गगनकुमार थापाले पार्टीको १५ औँ महाधिवेशनमा प्रस्तुत गर्ने राजनीतिक प्रतिवेदनमा पछिल्लो दुई दशकको राजनीतिक यात्रामा कांग्रेसबाट  धेरै  कमजोरी भएको स्वीकारेका छन्।   कांग्रेसले राजनीतिक उद्देश्यभन्दा पद र सत्तालाई प्राथमिकता दिएको,नीतिगत सहकार्यलाई लेनदेनमा सीमित गरेको,सार्वजनिक नियुक्तिमा भागबन्डा खोजेको र आफ्ना पक्षका व्यक्तिलाई जोगाउने प्रवृत्ति अपनाएको उनको स्पष्टोक्ति छ। यस्ता अभ्यासले कांग्रेसको  विश्वसनीयता मात्र गुमाएको नभएर सार्वजनिक संस्थाको स्वायत्तता र राजनीतिक दलप्रतिको नागरिक भरोसासमेत कमजोर बनाएको उनको भनाई छ। कांग्रेसले नेतृत्वदायी भूमिका निर्वाह गरेका राजनीतिक परिवर्तनका उपलब्धिलाई अस्वीकार गर्न नहुने, तर ती उपलब्धिलाई नागरिकको दैनिक जीवनमा अनुभूत हुने परिणाममा बदल्न नसक्नु नै पार्टीको प्रमुख कमजोरी भएको उनले औँल्याएका छन्। ...

१५ असोज, काठमाडौं ।सरकारले सङ्घीय निजामती सेवाका कर्मचारीहरूलाई सामाजिक सञ्जाल र विद्युतीय माध्यमको प्रयोगमा थप मर्यादित र अनुशासित बनाउने उद्देश्यका साथ नयाँ कानुनी व्यवस्था प्रस्ताव गरेको छ । विधेयकअनुसार कुनै पनि निजामती कर्मचारीले विद्युतीय माध्यम वा सामाजिक सञ्जालमा कुनै राजनीतिक दल वा दलका पदाधिकारीको पक्ष वा विपक्षमा टिप्पणी गर्न पाउने छैनन् । कर्मचारीको तटस्थता र व्यावसायिकता कायम राख्न यस्तो प्रावधान राखिएको विधेयकमा उल्लेख छ । यस्तै कर्मचारीहरूलाई सरकारी काममा बाधा पुग्ने गरी कुनै पनि प्रकारको आन्दोलन, प्रदर्शन वा हड्ताल गर्न पूर्ण रूपमा प्रतिबन्ध लगाएको छ। विधेयकको दफा ८३ ले निजामती कर्मचारीलाई प्रदर्शन गर्न, बन्द हड्तालमा भाग लिन, थुनछेक गर्न, बाधा अवरोध गर्न र घेराउ गर्न स्पष्ट रूपमा रोक लगाएको छ। आफ्ना माग पूरा गराउन दबाब दिने, पेन डाउन गर्ने, तालाबन्दी गर्न...