साहित्यकार एवम् लेखक हर्क याक्सोको ‘पैतालाका डोबहरु’ विमोचन,विश्व नेपाली साहित्य प्रज्ञा प्रतिष्ठानले मिलायो प्रबन्ध
सीता पौडेल(अर्चना)
४ फागुन,काठमाडौं । समाजसेवी एवम् साहित्यकार हर्क याक्सोको ‘पैतालाका डोबहरु’ शीर्षकको आत्मकथा विमोचन भएको छ ।
शनिबार विश्व नेपाली साहित्य प्रज्ञा प्रतिष्ठानद्धारा काठमाडौंमा आयोजित एक भव्य कार्यक्रमकाबीच उनको उक्त पुस्तकको प्रमुख अतिथि एवमं नेपाल प्रज्ञा प्रतिष्ठानका पूर्व उपकुलपति डा.विष्णुविभू घिमिरे,विश्व नेपाली साहित्य प्रज्ञा प्रतिष्ठानका अध्यक्ष गोपीकृष्ण प्रसाइँ लगायत कार्यक्रममा उपस्थित विशिष्ठ अतिथिहरुले विमोचन गरेका थिए।
२ सय ८८ पृष्ठ लामो सो पुस्तकमा लेखकले नेपालको सामाजिक,राजनीतिक तथा शैक्षिक क्षेत्रमा देखिएका विकृति र विसंगतिहरुलाई उजागर गर्दै जीवन जगतका उद्गारहरु अनि आत्माका स्वीकारोक्तिहरु उल्लेख गरेको विश्व नेपाली साहित्य प्रज्ञा प्रतिष्ठानका अध्यक्ष एवम् पुस्तकका टिप्पणीकर्ता गोपीकृष्ण प्रसाइँले बताए ।साथै लेखकले जीवनमा भोगेका उतार–चढ...
