ताजा अपडेट

१६ फागुन,काभ्रेपलाञ्चोक । काभ्रेपलाञ्चोक जिल्लाको बनेपामा एक किशोरी मृत भेटिएकी छन् । बनेपा नगरपालिका ८ मा रहेको होटल भ्यू पाहुना घरमा एक जना महिला मृत फेला परेकी हुन् । इलाका प्रहरी कार्यालय बनेपाका प्रमुख प्रहरी नायब उपरीक्षक ज्ञानबहादुर खड्काका अनुसार बिहीबार साँझ ५ः३० बजेको समयमा उक्त होटलमा  मृत अवस्थामा फेला परेकी हुन् । प्रारम्भिक अनुसन्धानबाट मृत महिला रामेछाप घर भइ बनेपा,६ बस्ने बनेपाकै एक मेडिकलमा कार्यरत २३ वर्षीया शर्मिला श्रेष्ठ रहेको पाइएको प्रहरीले बताएको छ। घटनाको प्रकृति हेर्दा हत्याको आशंका गरिएको प्रहरीले जनाएको छ । घटनाको विषयमा थप अनुसन्धान भइरहेको छ।...

१५ फागुन, काठमाडौं । प्रधानमन्त्री केपी शर्मा ओलीले ग्याल्पो ल्होसारको शुभकामना व्यक्त गरेका छन् । सामाजिक सञ्जाल फेसबुकबाट उनले ग्याल्पो ल्होसारको अवसरमा सबैमा हार्दिक शुभकामना व्यक्त गरेका हुन् ।प्रधानमन्त्रीले लेखेका छन् — “आज ग्याल्पो ल्होछार, नेपालको उच्च पहाडी क्षेत्रमा बसोबास गर्ने शेर्पा समुदायको मुख्य पर्व, तिब्बत, सिक्किम र भुटानमा बसोबास गर्ने भोटे समुदाय समेतले ग्याल्पो ल्होछार मनाउँछन् । “ग्याल्पो ल्होछारको अवसरमा सबैलाई शुभकामना १ सबैको जय होस् ”, पृष्ठभूमिमा हिमाल पारेर शेर्पा समुदायको परम्परागत पोसाक लगाएका एक महिला र पुरुषको तस्बिर फेसबुकमा पोष्ट गर्दै प्रधानमन्त्रीले थप लेखेका छन्—                                                            ‘ह्याप्पी ल्होसार’ ।...

१६, फागुन काठमाडौं । हाल देशमा पश्चिमी न्यून चापीय प्रणालीको प्रभाव रहेको तथा सुदूरपश्चिम, कर्णाली, लुम्बिनी र गण्डकी प्रदेशमा साधारणतयादेखि अधिकांश बदली रही बाँकी प्रदेश बदली रहेको जल तथा मौसम विज्ञान पूर्वानुमान महाशाखाले जनाएको छ । साथै सुदूरपश्चिम र कर्णाली प्रदेशका धेरै स्थानमा मेघगर्जन र चट्याङसहित हल्का वर्षा भइरहेको छ ।  दिउँसो सुदूरपश्चिम, कर्णाली, लुम्बिनी र गण्डकी प्रदेशमा अधिकांश बदली रही बाँकी भू-भागमा आंशिकदेखि साधारणतया बदली रहनेछ । कर्णालीका साथै सुदूरपश्चिम प्रदेशका पहाडी भागका धेरै स्थानमा मेघगर्जन र चट्याङसहित हल्कादेखि मध्यम वर्षा तथा लुम्बिनी, गण्डकी र सुदूरपश्चिम प्रदेशका तराई भेगका केही स्थानमा मेघगर्जन र चट्याङसहित हल्का वर्षाको सम्भावना छ । गण्डकी,सुदूरपश्चिम र कर्णाली प्रदेशका उच्च पहाडी तथा हिमाली भागका धेरै स्थानमा हल्कादेखि मध्यम हिमपातको सम्भावना छ । आज ...

१६ फागुन,काठमाडौं ।आज बिहान २ बजेर ५१ मिनेटमा सिन्धुपाल्चोकको भैरवकुण्ड केन्द्रबिन्दु भएर गएको ६ दशलमव १ म्याग्निच्यूडको भूकम्पका कारण डराएर भाग्ने क्रममा लडेर एक जना कैदीको हात भाँचिएको छ । भूकम्पको मुख्य केन्द्रबिन्दु रहेको भोटेकोशी गाउँपालिका,१ का वडाध्यक्ष साङ्बु लामाले पनि हालसम्म क्षतिबारे जानकारी नआएको जानकारी दिए । ‘ जानकारी लिने काम भइरहेको छ । खासै क्षति पुर्‍याएको देखिएन’, उनले भने । उनका अनुसार आत्तिएर भाग्ने क्रममा लडेर एक जना कैदीको हात भाँचिएको छ । भने कोदारीस्थित प्रहरी चौकीको भित्ता चर्किएको छ । यस्तै भोटेकोशी गाउँपालिका वडा नम्बर ३ स्थित दुगुनागढीमा पहिरो खसेको खबर छ । अहिले बिहान ६ बजेसम्मको प्राप्त विवरण अनुसार यो बाहेक अन्य कुनै मानवीय र ठूलो भौतिक क्षति नदेखिएको उनले बताए। ‘भूकम्पको क्षतिको बारेमा विस्तृत आउन बाँकी छ ।प्रहरीले मातहतका सबै कार्यालयलाई सूचना ...