राजनीति

काठमाडौं । बालुवाटारमा सम्पन्न शीर्ष नेता र संसदीय समितिमा बसेको बैठक निष्कर्षविहीन भएको छ । सहकारीको बचत अपचलनबारे छानबिन गर्न बनाइने संसदीय समितिको कार्यादेश (टीओआर) तय गर्न बालुवाटारमा बसेको बैठकमा शीर्ष नेताहरु र प्रतिपक्षी दलबीच सहमति जुट्न नसकेको हो । बैठक टुंगोमा पुग्न नसकेपछि आज दिउँसो ३ बजेका लागि शीर्ष नेताहरूको बैठक बोलाइएको एक नेताले जानकारी दिए । प्रधानमन्त्री पुष्पकमल दाहाल प्रचण्डले सहमति जुटाउन भन्दै सत्तापक्ष र प्रतिपक्ष दलका नेतासँग एकल र सामूहिक छलफल गर्दै आएका छन् । बैठकमा प्रधानमन्त्री प्रचण्ड, प्रमुख प्रतिपक्ष दल नेपाली कांग्रेसका तर्फबाट उपसभापति पूर्णबहादुर खड्का, महामन्त्री गगन थापा, नेताहरू रमेश लेखक, ज्ञानेन्द्रबहादुर कार्की, जीवन परियार सहभागी थिए । यस्तै, नेकपा (एमाले)का तर्फबाट कार्यदलका संयोजक समेत रहेका कानुन, न्याय तथा संसदीय मामिलामन्त्री पदम गिरी...

काठमाडौं । सहकारीको बचत अपचलन, ठगी, दुरूपयोग र हिनामिना छानबिन गर्ने संसदीय समितिको कार्यादेश तय गर्न प्रधानमन्त्री पुष्पकमल दाहाल ‘प्रचण्ड’ सहित शीर्ष नेताहरुबीचको छलफल सुरु भएको छ । प्रधानमन्त्री निवास बालुवाटारमा शीर्ष नेताहरु र सहकारी अपचलन छानबीन समितिको कार्यदलबीच केही बेरअघि बैठक सुरु भएको हो । बैठकमा प्रधानमन्त्री प्रचण्ड, प्रमुख प्रतिपक्षी नेपाली कांग्रेसका उपसभापति पूर्णबहादुर खड्का, राष्ट्रिय सभा दलका नेता कृष्ण सिटौला, महामन्त्री गगन थापा र प्रमुख सचेतक रमेश लेखक लगायत सहभागी रहेको बताइएको छ । यस्तै, नेकपा (एमाले)बाट कानून मन्त्री पदम गिरी, प्रमुख सचेतक महेश बर्तौला, माओवादी केन्द्रबाट अर्थमन्त्री वर्षमान पुन, प्रमुख सचेतक हितराज पाण्डे पनि सहभागी छन्। छलफलमा राष्ट्रिय स्वतन्त्र पार्टी रास्वपाबाट सभापति एवं उपप्रधान तथा गृहमन्त्री रवि लामिछाने, उपसभापति स्वर्णीम् वा...

धनुषा । प्रहरीले कान्तिपुर मिडिया ग्रुपका अध्यक्ष कैलाश सिरोहियाको तेस्रो पटक म्याद थप्ने तयारी गरेको छ । नागरिकता किर्ते कसुरमा जेठ ८ गते पक्राउ परेका सिरोहियालाई आज म्याद थप्न जिल्ला प्रहरी कार्यालय धनुषाले जिल्ला अदालत धनुषा लैजाने तयारी गरेको हो । उनीमाथि अनुसन्धान गर्न अदालतले दुईपटक तीन–तीन दिनको म्याद थप गरेको थियो । दोस्रो पटक म्याद थपेकै दिन सिरोहिया अस्पताल भर्ना भएका थिए । अहिले उनी जनकपुरधामकै सुविधा सम्पन्न काव्या अस्पतालमा उपचाररत छन् । उनलाई अस्पतालबाटै अदालत र्लैजाने प्रहरीको तयारी छ । चिकित्सकको सल्लाह बमोजिम सिरोहियाको अवस्था हेरेर अदालत लगिने प्रहरीले जनाएको छ । उच्च रक्तचाप र मुटु सम्बन्धी समस्या देखिएकाले सिरोहिया अस्पताल लगिएको थियो । सुरुमा उनलाई प्रादेशिक अस्पताल लग्दा त्यहाँका चिकित्सकले उनको अवस्था नर्मल रहेको बताएका थिए । तर सिटी स्क्यानको बहानामा उनलाई ...

काठमाडौं ।नेपाल कम्युनिष्ट पार्टीं (एमाले) जनसंगठन समन्वय संयन्त्रले यही जेठ १६ र १७ गते राष्ट्रिय महिला भेलाको आयोजना गर्ने भएको छ। २०६३ साल जेठ १६ गते नेकपा एमालेका तत्कालीन उपाध्यक्ष विद्यादेवी भण्डारीको नेतृत्वमा तत्कालीन पुनस्र्थापित प्रतिनिधि सभाले आमाको नामबाट नागरिकता,राज्यका सबै तहमा एकतिहाई महिला सहभागिताको सुनिश्चितता,विभेदकारी कानुनको खारेजी र महिला हिंसाको अन्त्य गर्ने विषयलाई संसदको संकल्प प्रस्तावको रुपमा पेश गरेको र नेपालको संविधान २०७२ मा महिला अधिकारका विषयहरुलाई मौलिक हकमै उल्लेख गर्ने आधार प्रदान गरेको थियो । सोही अनुरुप नेपाल सरकारले जेठ १६ लाई राष्ट्रिय महिला अधिकार दिवसका रुपमा घोषणा गरी मनाउँदै आएकाले एमालेले ऐतिहासिक दिनका रुपमा भेलाको आयोजना गर्न लागेको आज पत्रकार सम्मेलन मार्फत जानकारी दिएको छ। भेलामा महिला आन्दोलनको इतिहासको सम्झना गर्दै अहिलेसम्मका उपल...

काठमाडौं । प्रमुख प्रतिपक्षी दल नेपाली काँग्रेसले कोशी प्रदेशसभा स्थगित गर्न सभामुख अम्बरबहादुर विष्टलाई प्रदेश सभाको बैठक स्थगित गर्न माग गर्दै पत्र लेखेको छ । सर्वाेच्च अदालतमा प्रदेश प्रमुख हिक्मत कार्कीविरुद्ध परेको रिटको सुनुवाई भइनसकेको भन्दै प्रदेश सभा बैठक स्थगित गर्न काँग्रेले माग गरेको हो । मुद्दा टुंगो नलागेसम्म बैठक सञ्चालन गर्न नदिने काँग्रेसको अडान छ । सभामुखका अनुसार बैठक नरोकिए कांग्रेस अनुपस्थित हुने जानकारी सहितको पत्र काँग्रेसले पेश गरेको छ । कोशी प्रदेश सभाको बर्खे अधिवेशन वैशाख ३१ मा सुरू भएको थियो । अधिवेशनको पहिलो दिन नै मुख्यमन्त्री हिक्मत कार्कीले विश्वासको मत लिएका थिए। अदालतमा सरकारबारे विवाद कायमै रहेको बेला मुख्यमन्त्रीले हतारमा विश्वासको मत लिएको भन्दै कां‌ग्रेस पहिलो बैठकमा अनुपस्थित भएको थियो ।...