राजनीति

१४ असार,चितवन ।राष्ट्रिय स्वतन्त्र पार्टीका नवनिर्वाचित सभापति रवि लामिछानेले पहिले महाधिवेशनले पार्टीभित्र नयाँ पुरानाको बहस अन्त्य गरेको जनाएका छन् । शपथपछि सम्बोधन गर्दै उनले महाधिवेशनले नयाँपुराना सबैलाइ जिम्मेवारी दिएर प्रतिनिधिले विशेष ख्याल गरेको जनाए । ‘निर्वाचनमा पुराना,नयाँ सबैलाई जिम्मेवारी प्रतिनिधिले दिएको अवस्था छ,यहाँ कसैले गुट बनाएको हल्लालाई यसले चिरेको छ, यसले थप जिम्मेवारी दिएको छ’ उनले भने–‘नयाँ र पुरानाको विषय अब सकिएको छ । अब कतै कसैले केही तुस राख्न पाइने छैन । पार्टी अब परिपक्क बन्यो, असल राजनीतिक चरित्र बनाएर जानका लागि मार्गप्रशस्त बनाएको छ ।’...

१४ असार,काठमाडौं । नेकपा एमालेका अध्यक्ष केपी शर्मा ओली र नेपाली कम्युनिस्ट पार्टीका संयोजक पुष्पकमल दाहाल प्रचण्डसहितका नेताहरु आज एक सार्वजनिक कार्यक्रममा सँगै देखिने भएका छन् । मदन भण्डारी फाउण्डेसनले मदन भण्डारीको ७५ औँ जन्मजयन्तीका अवसरमा आयोजना गरेको सो कार्यक्रममा पूर्वराष्ट्रपति विद्यादेवी भण्डारी प्रमुख अतिथि रहने बताइएको छ । आज असार १४ गते राष्ट्रिय सभागृहमा हुने कार्यक्रममा ओली,प्रचण्डसहितका नेताहरु पनि सहभागी हुने र मन्तव्य राख्ने तयारी छ।‘नेपालको कम्युनिष्ट आन्दोलन र जननेता मदन भण्डारी’ विषयक राष्ट्रिय गोष्ठीमा ओली र प्रचण्डसँगै नेताहरु– माधव कुमार नेपाल, झलनाथ खनाल र अध्यक्ष उपेन्द्र यादवले पनि सम्बोधन गर्ने कार्यक्रम तय भएको छ। यस राष्ट्रिय गोष्ठीलाई पछिल्लो समय फरक–फरक राजनीतिक धारमा रहेका प्रमुख कम्युनिस्ट नेताहरूको साझा उपस्थिति र समाजवादी मोर्चाहरूसँग छिट्टै एक...

१२ असार,काठमाडौं । रास्वपाको पदाधिकारी छान्न मतदान सुरु भएको छ चितवनमा जारी महाधिवेशनमा पदाधिकारीका लागि दोस्रो चरणमा निर्वाचन सुरु भएको हो । रास्वपाको सभापतिमा यसअघि नै रवि लामिछाने निर्विरोध भइसकेका छन् ।त्यस्तै उपसभापतिमा पुरुषतर्फ डा. स्वर्णिम वाग्ले निर्विरोध भइसकेका छन् । अन्य पदमा भने निर्वाचन हुँदैछ।उपसभापति महिला तर्फ सोविता गौतम र तोसिमा कार्की उम्मेदवार छन्। महामन्त्रीमा विपीन आचार्य,मनिष झा,गणेश कार्की र सागर ढकाल मैदानमा छन् । सहमहामन्त्री पुरुषका लागि प्रधानमन्त्री बालेन्द्र शाहका राजनीतिक सल्लाहकार असिम शाह,रमेश प्रसाईं, यज्ञमणि न्यौपाने,सुलभ खरेल,अशोककुमार चौधरी,मिलन लिम्बु,राजीव खत्री,विजय जैरु,हरि ढकाल,हिमेश पन्त चुनावी मैदानमा छन् । महिला सहमहामन्त्रीमा विदुषी शर्मा,कामिनी कुमारी चौधरी,निशा डाँगी र रिमा विश्वकर्मालगायतले उम्मेदवारी दिएका छन् ।मतदान सुरु भए ...

१२ असार,काठमाडौं । रास्वपा उपसभापतिमा डा. स्वर्णिम वाग्ले निर्विरोध चयन भएका छन् । विराजभक्त श्रेष्ठले आफ्नो दाबेदारी फिर्ता लिएपछि  वाग्ले निर्विरोध भएका हुन् ।रास्वपा सभापतिमा रवि लामिछाने यसअघि नै निर्विरोध भइसकेका थिए । पदाधिकारी पदका उम्मेदवारहरूको अन्तिम नामावली भने अझै सार्वजनिक गरिएको छैन ।केही असन्तुष्टिका बीच विहीबार केन्द्रीय सदस्यको निर्वाचन परिणाम सार्वजनिक गरिएको थियो । तीन दिनमा सम्पन्न गर्ने लक्ष्यसहित असार ७ गतेदेखि चितवनमा सुरु भएको रास्वपाको प्रथम महाधिवेशन छैटौं दिनसम्म लम्बिएको छ। अर्थमन्त्री समेत रहेका वाग्ले पुरुष उपसभापति पदमा निर्विरोध भएपनि महिला उपसभापति पदमा सोबिता गौतम, इन्दिरा रानामगर र तोसिमा कार्की दाबेदार छन् ।...

११ असार, काठमाडौं । पहिलो चरणको निर्वाचनको परिणाम सार्वजनिक भएसँगै राष्ट्रिय स्वतन्त्र पार्टी (रास्वपा) को ६ जना पदाधिकारीमा चुनावी प्रतिस्पर्धा हुने भएको छ। सभापतिमा रवि लामिछाने निर्विरोध भइसकेका छन्। बाँकी दुई उपसभापति, एक महामन्त्री र तीन सहमहामन्त्रीका लागि दोस्रो चरणको निर्वाचन हुने प्रवक्ता मनिष झाले बताए । एक वरिष्ठ नेता, एक उपसभापति, एक महामन्त्री, दुई सहमहामन्त्री, एक प्रवक्ता, तीन सह प्रवक्ता, एक कोषाध्यक्ष र दुई सह कोषाध्यक्ष सभापतिले मनोनीत गर्ने विधानमा व्यवस्था छ। रास्वपाको १५१ सदस्यीय केन्द्रीय समिति रहने व्यवस्था छ । सात प्रदेश पदाधिकारी पदेन सदस्य रहनेछन् । ती मध्ये ५१ जना मनोनीत गर्ने अधिकार सभापतिलाई दिइएको जनाइएको छ।...