बिशेष

सीता पौडेल (अर्चना) काठमाडौं । काठमाडौको प्राचीन धार्मिक तीर्थस्थल बालाजु बाइसधारा (ल्हुति पुन्हि) मेलाको व्यवस्थापनको जिम्मेवारी स्थानीयले नै प्राप्त गरेका छन् । काठमाडौं महानगरपालिकाको वडा नं १६,बालाजुमा अवस्थित बालाजु बाइसधारा उद्यान परिसरमा हरेक वर्ष चैत शुक्ल पूर्णिमाका दिन लाग्ने सो मेलाको विगतका वर्षहरुमा काठमाडौं महानगरको माताहतबाटै व्यवस्थापन हुँदै आएको थियो ।प्राचीन धार्मिक तीर्थस्थलसँगै सांस्कृतिक तथा पर्यटकीय दृष्टिकोणले समेत महत्वपूर्ण मानिदै आएको उक्त मेलालाई सभ्य र भव्य रुपमा सम्पन्न गर्न स्थानीयहरुले स्वतःस्फूर्त रुपमा वा स्वयंसेवकको भूमिकामा रहेर मेला सञ्चालन तथा व्यवस्थापनमा महानगरलाई सहयोग गर्दै आएको स्थानीय शंकर डंगोलले बताउनुभयो।तर यस वर्षबाट भने स्थानीयहरुले  मेला सञ्चालन र व्यवस्थापन गर्ने जिम्मेवारी प्राप्त गरेको हुनाले यो मेला ऐतिहासिक हुने स्थानीयको दावी छ । ...