आतंक बढेको भन्दै कास्की प्रहरीले थाल्यो अपरेसन ३६५
२९ असोज,पोखरा । केही दिनअघि पोखरा लेखसाइडमा बुलेट मोटरसाइकल पड्काउँदै कुद्ने,आतंक मच्चाउने र व्यवसायी कुट्ने गरेको पाइएपछि कास्की प्रहरीले अपरेसन ३६५ थालेको छ ।
यस्ता घटना हुन थालेपछि होटल संघलगायत पोखराका पर्यटन व्यवसायीका संस्था र व्यवसायीहरूले पर्यटकीय क्षेत्रमा शान्ति सुरक्षाको वातावरण खल्बलिँदै गएको चिन्ता व्यक्त गर्दै नियन्त्रणका लागि प्रहरीलाई अनुरोध गरेका छन् ।
जेनजी आन्दोलनका क्रममा २४ भदौमा पोखरामा भएका सरकारी तथा निजी सम्पत्तिमाथि तोडफोड तथा लुटपाट र आगजनीमा समेत स्वरूप परिवर्तन गरिएका बुलेट,क्रस फायर,पल्सर, भीआरजस्ता मोटरसाइकल प्रयोग भएको बताइएको छ।
नेतादेखि व्यवसायीसम्मको घर जलाउने,लुटपाट गर्नेदेखि प्रहरीको हतियार खोसेर गायबसमेत भएकाले प्रहरीले यस्ता मोटरसाइकलमाथि निगरानी गरिरहेको थियो ।नक्कली पेस्तोल देखाउँदै चोरी गर्ने एकजना सोमबार मात्रै पनि पक्राउ परेका थिए । पोखर...
