ताजा अपडेट

२७ असोज,काठमाडौं ।श्रीमतीको हत्या गरेको अभियोगमा एक पुरुषलाई प्रहरीले पक्राउ गरेको छ। काठमाडौं महानगरपालिका(७, गौरीघाट मिलनचोकमा डेरा गरी बस्ने ३५ वर्षीय ती युवकलाई प्रहरीले पक्राउ गरेको हो। उनले ४० वर्षीया श्रीमतिलाई हत्या गरेको अभियोग लागेको छ। ती महिला आइतबार दिउँसो आफ्नै डेरा कोठामा मृत अवस्थामा फेला परेकी थिइन्। घटनाको अनुसन्धानको क्रममा प्रहरी वृत्त गौशालाबाट खटिएको टोलीले हत्यामा संलग्नको आरोपमा उनलाईलाई पक्राउ गरेको हो। प्रारम्भिक अनुसन्धानबाट उनीहरूबीच वादविवाद भई झगडा हुँदा कुटपिट तथा ढुङ्गा प्रहार गरी श्रीमतिको हत्या गरेको खुल्न आएको छ। यस सम्बन्धमा प्रहरीले आवश्यक अनुसन्धान गरिरहेको छ।...

२६ असोज, काठमाडौं । सञ्चार तथा सूचना प्रविधिमन्त्री जगदीश खरेलले अधिकार सम्पन्न र स्वायत्त निकायका रुपमा आम जनतालाई अनुभूति दिलाउने गरी काम गर्न प्रेस काउन्सिल नेपालका पदाधिकारीलाई सुझाव दिएका छन् । प्रेस काउन्सिल नेपालद्वारा मन्त्री खरेलको सम्मानमा  आइतबार आयोजित स्वागत कार्यक्रममा उनले काउन्सिललाई परिणाममुखी काम गर्न आग्रह गरे । मन्त्री खरेलले नागरिकस्तरबाट सञ्चालन भएका व्यक्तिगत सामाजिक सञ्जाल राज्यका निकायले अनुगमन र नियमन गरी कारबाहीको दायरामा ल्याउने विषयमा काउन्सिल गम्भीर बन्नुपर्ने पनि बताए । उनले भने, ‘प्रेस काउन्सिल स्वायत्त निकाय हो, यसलाई मन्त्रालयले हस्तक्षेप गर्दैन । नीतिगत निर्णय र सहयोग गर्न मन्त्रालय तत्पर छ ।’  मन्त्री खरेलले मुलुकमा दर्ता भई प्रेस काउन्सिलमा सूचीकृत हुने सञ्चार माध्यमको जिम्मा राज्यले लिनुपर्ने आवश्यकता औँल्याए । सामाजिक सञ्जालमा जे–जस्ता मिथ्या, गल...