ताजा अपडेट

५ असोज ,काठमाडौं। नेकपा एमालेका अध्यक्ष एवम्र पूर्वप्रधानमन्त्री केपी शर्मा ओलीकी पत्नी राधिका शाक्यले जेनजी आन्दोलनका क्रममा आगजनी गरिएको बालकोटस्थित आफ्नो घरको अवलोकन गरेकी छन् । शनिबार शाक्यले नयाँ पुस्तालाई यो घर संग्रहालयको रूपमा छोडेर जाने विचार भए पनि अब खरानी छोडेर जानुपरेको दुखेसो पोखिन् ।जलेका पुस्तकका खरानीको टीका लगाउँदै आफूले पुस्तकहरू अति जतन गरेर राख्ने गरेको बताइन् । एउटा कोठामा स्वदेशबाट प्राप्त सम्मान पत्र तथा मायाको चिनो र अर्को कोठामा चाइना,कम्बोडिया,भारत,भियतनाम,जापानलगायत देशका प्रधानमन्त्रीहरूले दिएका अमूल्य सामानहरू दराजहरूमा राखिएको र ती सबै खरानी भएको उनले बताईन  शाक्यले आगलागी भएको घरका विभिन्न कोठामा के–के सामानहरू थिए भनेर सम्झना पनि गरिन् । ‘यति मेरो पसिना र श्रम परेको छ नि’, भावुक हुँदै शाक्यले भनिन्, ‘बालुवाटार हुँदा पनि म साता(दश दिनमा यहाँ आएर साम...

४ असोज,काठमाडौं। भदौ २४ को भष्टाचार विरोधी जेनजी आन्दोलनमा उपप्रधान तथा अर्थमन्त्री एवम् एमाले नेता विष्णुप्रसाद पौडेल कुटिएको भन्दै एउटा भिडियो सामाजिक सञ्जालमा भाइरल बनेको थियो । तर कुटिने व्यक्ति पौडेल नभएर काठमाडौंको सामाखुशीमा रहेको ग्रिनसिटी अस्पतालका अध्यक्ष लोकबहादुर टण्डन रहेको खुलेको छ।  सोही दिन बिहान रगत अभावमा आकस्मिक रक्तदानको आयोजना गरि आफ्नो अस्पतालमा अप्रेसन नभएपछि मनमोहन अस्पतालमा घाइते आन्दोलनकारीलाई पुर्याएर फर्कने क्रममा  निर्घात कुटिएको उनले बताएका छन् ।उनी आफ्नो अस्पतालमा भर्ना भएका बिरामीको त्यहाँ अप्रेसन नहुने भएपछि मनमोहन अस्पतालमा पुर्याएर फर्केका थिए । अर्थमन्त्री पौडेल जस्तै देखिएका कारण आन्दोलनकारीको निशानामा परे । टण्डन भन्छन् —मैले २३ गतेदेखि नै मेरो अस्पतालमा आन्दोलनका घाइतेलाई निःशुल्क उपचार गर्ने घोषणा गरेको थिएँ । त्यसैअनुसार उपचार भइरहे पनि दुई ...

४ असोज,चितवन।नारायणगढ–मुग्लिन सडकखण्डको तुइन खोलामा ठूलो पहिरो खसेको छ । शुक्रबार साँझ ६ः०० बजेदेखि निरन्तर खसेको पहिरोले १०० मिटर सडक ढाकेको छ । सडक डिभिजन कार्यालय चितवनका प्रमुख नारायण लामिछानेका अनुसार पहिरोले करिब १०० मिटर सडक ढाकेको हो । उनका अनुसार बिहान उज्यालो भएसँगै पहिरो पन्छाउने काम सुरु गरिएको छ । दुवैतर्फबाट एक–एक वटा लोडरले पहिरो पन्छाउने काम थालेका छन् ।शुक्रबार साँझ ६ स् ०० बजेपछि सडक बन्द भएकाले यात्रुहरू रातभर सडकमा बस्न बाध्य भएका छन् । थप पहिरो नखसेमा चार घण्टामा सडक सफा गरेर सवारी सञ्चालन गर्न सकिने अनुमान गरिएको छ । फाइल फोटो  ...

४ असोज,काठमाडौं। हाल मनसुनको न्यून चापीय रेखा सरदर स्थान आसपास अवस्थित रहेको मौसम पूर्वानुमान महाशाखाले जनाएको छ। जसको प्रभावले कोशी,मधेस र बागमती प्रदेशमा साधरणतया बदली रही बाँकी प्रदेशहरूमा आंशिक बदली रहेको छ। कोशी,मधेस र बागमती प्रदेशका धेरै स्थानहरूमा चट्याङसहित हल्कादेखि मध्यम वर्षा र गण्डकी,लुम्बिनी र कर्णाली प्रदेशका एक–दुई स्थानमा हल्का वर्षा भइरहेको छ। आज दिउँसो कोशी,मधेस,बागमती र गण्डकी प्रदेशलगायत देशका बाँकी पहाडी भूभागमा साधरणतया बदली रही बाँकी तराई भूभागमा आंशिक बदली रहने छ।कोशी र बागमती प्रदेशका केही स्थानहरूमा,मधेस र गण्डकी प्रदेशका थोरै स्थानहरूमा तथा देशको बाँकी भूभागका एक–दुई स्थानमा मध्यम वर्षाको सम्भावना रहेको महाशाखाले जनाएको छ। उता पनि राति कोशी,मधेस,बागमती र गण्डकी प्रदेशमा साधरणतया बदली रही बाँकी भूभागमा आंशिक बदली रहने छ।कोशी, मधेस, बागमती र गण्डकी प्रदेशका ...

३ असोज,काठमाडौं । नेकपा एमालेका युवा नेता सुहाङ नेम्वाङले संवैधानिक वा आवश्यकताको सिद्धान्त प्रयोग गर्दा पनि संविधानको मर्ममा अधिकतम क्षति नपुग्ने गरी निष्कर्ष निकाल्नु उपयुक्त हुने बताएका छन् । नेम्वाङले शुक्रबार एक अपिल जारी गर्दै भनेका छन्, ‘मैले प्रिय जेनजी साथीहरुको अडान सुनें, भिडियोहरु हेरें । संविधान र व्यवस्थाप्रति तपाईंहरुले जुन अडान र प्रतिबद्धता जनाउनुभयो । म त्यो अडानप्रति हार्दिक सलाम र सम्मान व्यक्त गर्दछु ।’ गल्तीहरु नेतृत्वमा बस्नेहरुबाटै हुने भन्दै उनले आत्मालोचना र स्वीकारोक्ति जरुरी रहेको बताएका छन् । ‘जनतालाई माफी मागेर सच्चिने प्रण गर्नु नै हाम्रो महानता हो । म भन्न चाहन्छु, गल्ती कमजोरीहरु सच्चाएर जानेछौं,’ उनले भनेका छन्, ‘यो अभियानको एक सदस्यको रुपमा आजको तमाम कमजोरीहरुप्रति माफी माग्छु ।’ भदौ २४ गते गरिएको तोडफोड, आगजनी, लुटपाटको दृश्यहरुले असह्य पीडा ...