हर्क साम्पाङका समर्थकले सफा गरे कालिमाटीको प्रहरी वृत्त
२ असोज,काठमाडौं।गत भदौ २३ र २४ गते जेनजी प्रदर्शनका क्रममा घुसपैठ गरेको समुहले आगजनी गरेको कालिमाटीको प्रहरी वृत्त धरान उपमहानगरपालिकाका मेयर हर्क साम्पाङका समर्थकहरुले बुधबार सफा गरेका छन् ।
त्यहाँ दुई वटा आधुनिक भवन जलेको अवस्थामा छन् ।भने,कार्यालय परिसरमा रहेका १६२ वटा मोटरसाइकल र ८ वटा निजी गाडी पनि जलेर खरानी भएका छन् ।
वृत्तबाट प्रदर्शनकारीहरूले एउटा सटगन समेत लुटेर लगेको प्रहरीले जनाएको छ ।तर सेनाले सो सटगन बरामद गरिसकेको जानकारी प्राप्त भएको छ । वृत्तमा आगजनी हुँदा करिब ३१ करोड क्षति भएको आँकलन गरिएको जिल्ला प्रहरी परिसर काठमाडौँको भनाई छ।
सफा गरेर भवनमा रंगरोगन गर्ने र त्यहिँबाट शान्ति सुरक्षाको काम सुरु गर्ने कालिमाटी प्रहरीको तयारी छ।
...
