खेलकुद

२५ असोज काठमाडौं ।विश्वकप फुटबल छनोट खेलअन्तर्गत दक्षिण अमेरिका छनोट खेलमा ब्राजिलले चिलीलाई पराजित गरेको छ। घरेलु मैदानमा भएको खेलमा चिलीले २ मिनेटमै अग्रता लिएको थियो । चिलीको लागि एडुआर्डो वर्गासले खेलको दोश्रो मिनेटमा नै गोल गरे। तर,पहिलो हाफको इन्ज्युरी समयमा इगोर यसुले ब्रजिलको तर्फबाट गोल गरेपछि खेल बराबरीमा गयो । पहिलो हाफ ११ बराबरीमा सकिएपछि दोस्रो हाफको ८९ मिनेटमा वैकल्पिक खेलाडीको रूपमा मैदान छिरेका लुइज हेनरिकले गोल थपेर टीमलाई २–१ को जित दिलाए। जितपछि ब्राजिल ९ खेलबाट १३ अंकसहित तालिकाको चौथो स्थानमा उक्लिएको छ भने चिली समान खेलबाट ५ अंकसहित नवौं स्थानमा छ ।...

२०, भदौ सुर्खेत । पहिलो पटक कर्णाली प्रदेशमा हुन लागेको दशौँ राष्ट्रिय खेलकुद प्रतियोगिताको तयारी तीव्र पारिएको छ । यहाँ भौतिक संरचना निर्माण धमाधम चलिरहेको छ । प्रतियोगितालाई समग्र कर्णालीको प्रतिष्ठाका रूपमा हेरिएको छ । तोकिएकै मितिमा प्रतियोगिता सञ्चालनका लागि भौतिक संरचना करिब तयारी अवस्थामा रहेको बताइएको छ । तर प्रतियोगिताको मिति जति नजिकिँदै छ, त्यति नै प्रतियोगिता तोकिएकै मितिमा हुने नहुनेमा अन्यौलता छाएको छ । दशौँ राष्ट्रिय खेलकुद प्रतियोगिता आउन अब करिब साढे दुई महिनामात्र बाँकी छ । प्रतियोगिताको मिति नजिकिँदै गर्दा सरकार परिवर्तन भएसँगै प्रतियोगिता केही समय पछाडि धकेलिने चिन्ता व्यक्त गरिएको छ । केही दिनअघि दशौँ राष्ट्रिय खेलकुदसम्बन्धी छलफल गर्न सुर्खेत आएका खेलकुदमन्त्री तेजुलाल चौधरीले तोकिएकै मितिमा प्रतियोगिता आयोजना गर्नलाई तयारी नपुग भएको बताएपछि निर्धारित मितिमा प्...